Það eru líkur á því að Pep Guardiola snúi aftur til Spánar í sumar segir fyrrum samherji hans, Rivaldo.
Guardiola hefur unnið tvo deildarmeistaratitla í röð með Manchester City en hann er þekktastur fyrir tíma sinn hjá Barcelona.
Rivaldo telur að það gæti heillað Guardiola að snúa aftur í sumar þar sem fjölskylda hans er búsett á Spáni.
,,Það er auðvitað eðlilegt að þegar þú stendur þig vel þá munu önnur lið hafa áhuga á þinni þjónustu,“ sagði Rivaldo.
,,Ég trúi því að Pep fái önnur tækifæri í sumar og ný verkefni til að hugsa um og þrátt fyrir ánægjuna á Etihad þá gæti gott tilboð frá spænsku liði heillað hann.“
,,Ég segi þetta því Pep vill ekki vera frá fjölskyldunni og vinum, hann nýtur þess að eyða tíma með þeim. Það er mögulegt að endurkoma til Spánar hjálpi honum.“
