Valur vill losna við Gary Martin. Þetta staðfesti Ólafur Jóhannesson, þjálfari Vals í samtali við 433.is í dag. Gary gekk í raðir Vals í janúar og gerði þriggja ára samning. Eftir þrjár umferðir í Pepsi Max-deildinni vill Valur nú losna við framherjann.
Samkvæmt heimildum 433.is er Gary ekki eini leikmaðurinn sem Valur haft áhuga á að losa, Emil Lyng var einnig þar á meðal.
Lyng hefur líkt og fleiri leikmenn Vals byrjað tímabilið illa. Samkvæmt heimildum 433.is var hann til sölu í síðustu viku.
Lyng líkt og Gary kom til Vals í fyrra, hann meiddist hins vegar um liðna helgi. Lyng tognaði aftan í læri í tapi Vals gegn ÍA á laugardag. Lyng verður frá í 6-8 vikur og því mun ekkert lið hafa áhuga á að fá hann.
Gary Martin gerði þriggja ára samning við Val í janúar en á sama tíma gerði Lyng tveggja ára samning við Val.
