Margir Íslendingar bíða spenntir eftir kvöldinu þegar hljómsveitin Hatari mun stígur á svið í Tel Aviv til að flytja íslenska framlagið í Júróvisjón Hatrið mun sigra. Þeirra á meðal eru starfsmenn Lögreglustjórans á Suðurnesjum, en á Facebook síður þeirra segir að svonefnd leðurdeild þeirra sé á fullu í undirbúningi.

„Í kvöld er það leður, járn og kylfur sem mun ráða ríkjum á landinu. Leðurklædda deildin okkar er orðin spennt og eru að gera sig klára fyrir kvöldið. Hvernig sem fer þá mun Hatrið sigra, eða hvað?

Hvernig leggst þetta í ykkur?“

Á Facebook-síðu embættisins er gjarnan slegið á létta strengi, fylgjendum til mikillar gleði. Til að mynda var greint frá eftirlýstum máv á dögunum, kolólegri bifreið , amfetamíni í óskilum og frá nýjum loðnum starfsmanni – sem reyndar var aprílgrín.