Margir hafa upplifað að fá stórar bólur á andlitið og þá yfirleitt skömmu áður en eitthvað mikið stendur til. Það er því stundum ekki annað til ráða en að láta sig hafa það og láta sjá sig á almannafæri með risastóra bólu á andlitinu eða bara loka sig af heima við og forðast öll mannleg samskipti á meðan bólan sést enn.

Margir hafa reynt að nota dýrar sápur, andlitskrem og annað til að losna við bólur en án þess að mikill árangur hafi náðst. En það þarf ekki að vera dýrt að erfitt að losna við bólurnar segir Farah Dhuki, sem deilir ýmsum fegrunarráðum á samfélagsmiðlum þar sem rúmlega 500.000 manns fylgja henni.

Hún segir að best sé að taka hvítlauksrif, skera aðeins í það og nudda því á bóluna. Síðan er vökvinn úr hvítlauknum látinn liggja yfir nóttina, það er í lagi að setja plástur yfir bóluna á meðan. Næsta morgun ætti bólan að vera horfin segir Dhuki.

Hvítlaukur hefur lengi verið þekktur fyrir ýmsan lækningamátt og kannski sannast það með þessari aðferð.