Um tíuleytið í morgun barst tilkynning um um umferðarslys á Suðurlandsvegi um miðja vegu milli Sólheimajökulsvegar og Skógarfoss.
Vinna stendur yfir á vettvangi og hefur Suðurlandsvegi verið lokað á meðan á áður nefndum vegarkafla.
Um er að ræða bílveltu með fjórum farþegum innanborðs en í fyrstu var talið að um 6 manns væri að ræða og var þyrla LHG boðuð þegar á vettvang.
Ekki er vitað með stig meiðsla þegar þetta er ritað en er um að ræða fullorðna einstaklinga og barn.
Uppfært kl. 12.20. Senn verður Suðurlandsvegur opnaður að nýju fyrir umferð en lögreglan er að ljúka störfum á vettvangi og má vænta þess að umferð geti verið komin aftur í eðlilegan farveg innan skamms. Fjórir aðilar voru fluttir með þyrlu LHG til frekari aðhlynningar á LHS í Fossvogi.
