Aftasta síða tímaritsins Séð og Heyrt var ávallt tileinkuð einni konu eða stúlku, svokallaðri Séð og Heyrt stúlku, allt frá stofnun blaðsins árið 1996 þar til ákveðið var að taka Séð og Heyrt stúlkuna af dagskrá árið 2011.
Í árdaga Séð og Heyrt þótti það ágætur stökkpallur fyrir konur að vera Séð og Heyrt stúlkan, en líklegast myndi þessi liður ekki njóta vinsælda í fjölmiðlum nútímans. Það voru hins vegar margar íslenskar kjarnakonur sem stigu sín fyrstu skref á síðum Séð og Heyrt og því fannst okkur á Fókus upplagt að rifja upp nokkur þekkt andlit.
Glamúrfyrirsætan, þyrluflugmaðurinn og einkaþjálfarinn Ásdís Rán Gunnarsdóttir var Séð og Heyrt stúlkan oftar en einu sinni, en þetta voru meðal hennar fyrstu fyrirsætuverkefna.
Það þarf vart að fjölyrða um velgengni Ásdísar á hinum ýmsu sviðum síðan þá, en hún var lengi vel eftirsótt fyrirsæta, bæði hér heima og í Búlgaríu, og hefur til að mynda hannað vörulínu undir fyrirsætunafninu Ísdrottningin, orðið þyrluflugmaður og lært einkaþjálfun síðan hún prýddi síður Séð og Heyrt.
Birta gerði það lengi vel gott í fyrirsætubransanum, en lagði þann feril á hilluna fyrir hönnunarbakteríuna sem heltók hana.
Árið 2004 stofnaði hún fatamerkið Júníform sem vakti gríðarlega lukku og hefur Birta klætt margar af frægustu konum Íslands. Birta seldi Júníform árið 2015 en ári síðar stofnaði hún annað merki, By Birta, sem hefur ekki síður gert það gott.
Elva Dögg Melsted var glæsileg Séð og Heyrt stúlka, en margir muna eftir því þegar að Elva Dögg var krýnd Ungfrú ísland.is árið 2000. Svo kannast margir við Elvu Dögg af skjánum sem lottókynni en í dag starfar hún sem skipulagsritari í tónlistarhúsinu Hörpu. Mikið vatn runnið til sjávar.
Án efa ein þekktasta Séð og Heyrt stúlkan er Birgitta Haukdal. Birgitta var ekki aðeins Séð og Heyrt stúlka heldur birtist í ýmsum myndaþáttum í tímaritinu sáluga.
Var þetta viss stökkpallur fyrir Birgittu sem fór svo í það að vera forsöngkona einnar vinsælustu sveitaballahljómsveitar Íslandssögunnar Írafár. Síðan þá hefur hún verið fulltrúi Íslands í Eurovision, búið um tíma á Spáni og skapað sér nafn sem barnabókahöfundur með Lárubækurnar svokölluðu.
Ornella var tíður gestur á síðum Séð og Heyrt og vakti strax mikla athygli lesenda. Í kjölfar frægðardaganna á Séð og Heyrt flutti hún vestur um höf og hóf leiklistarnám í New York, þar sem hún býr og starfar enn.
https://www.instagram.com/p/BtSnQ8OHwsI/
Áður en hinn stóri heimur kallaði var fyrirsætan Berglind Icey Séð og Heyrt stúlka.
Fyrirsætustörfin leiddu hana alla leið til Bandaríkjanna þar sem hún fékk tækifæri til að leika í ýmsum myndum og sjónvarpsþáttum, til dæmis The Hot Chick og The Animal. Þá hefur hún einnig tekið þátt í Óskarsverðlaunaathöfninni og Emmy-verðlaunaafhendingunni nokkrum sinnum.
https://www.instagram.com/p/Bs3BbrLAqI3/
Marín Manda er meðal þeirra sem hafa verið Séð og Heyrt stúlkan, en hún er fjölhæf með eindemum og hefur komið víða við.
Hún rak barnafataverslun í Danmörku, starfaði um tíma í fjölmiðlum og er nú flugfreyja hjá WOW Air.
Fyrsta Séð og Heyrt stúlkan árið 1996 var ekki af verri endanum en það var sjálf ofurfyrirsætan Elísabet Davíðsdóttir. Hún sinnti fyrirsætustörfum um heim allan en hefur í seinni tíð skapað sér nafn sem frábær og fjölhæfur ljósmyndari.
Hildur Líf vakti mikla athygli þegar hún skipulagði svokallað VIP partí árið 2011. Það vita hins vegar færri að hún var Séð og Heyrt stúlka. Hildur Líf er í dag stílisti og förðunarfræðingur og er búsett í Bandaríkjunum.
Erna var góðvinkona Séð og Heyrt og var vinsælt glamúrmódel um árabil. Hún var í raun ein af fyrstu glamúrfyrirsætum Íslands og sat fyrir í tímaritum hér heima og erlendis, síðast í Playboy Italia árið 2012. Í dag er Erna búsett í Slóvakíu þar sem hún er í læknisnámi.
https://www.instagram.com/p/BYXhSujAQxH/
Ósk er önnur glamúrfyrirsæta sem þarf vart að kynna, en það kemur líklegast ekki á óvart að hún var einnig eitt sinn Séð og Heyrt stúlkan. Nú á fjölskyldan og fitnessheimurinn hug Óskar allan.
https://www.instagram.com/p/Bt3qoC_geaW/
Tinna Alavis var Séð og Heyrt stúlkan og var vinsæl fyrirsæta um árabil á Íslandi. Eftir nokkur farsæl ár í fyrirsætubransanum kúplaði hún sig úr honum og er nú farsæll áhrifavaldur með dygga fylgjendur á samfélagsmiðlum og lesendur heimasíðu sinnar.
https://www.instagram.com/p/Bs2ux5MACbl/
Nýjasta Séð og Heyrt stúlkan í þessari upptalningu er fyrirlesarinn Alda Karen Hjaltalín sem prýddi öftustu síðu Séð og Heyrt stuttu áður en tekin var ákvörðun um að láta þennan fasta lið blaðsins heyra sögunni til.
Alda Karen hefur vakið mikla athygli að undanförnu með fyrirlestra sína sem hvetja fólk til að vera besta útgáfan af sjálfu sér og láta draumana rætast.
Hægt er að smella hér og horfa á umfjöllun Vísis um endalok Séð og Heyrt stúlkunnar.
