Chelsea vonast til þess að geta gengið frá samningi við Gonzalo Higuain áður en vikan er á enda. Telegraph segir frá.

Higuain er í láni hjá AC Milan frá Juventus en vandræði eru þar. Í samningi þeirra kemur fram að MIlan kaupi Higuain að lánsdvöl lokni.

Higuain er staddur í Jeddah þar sem Milan mætir Juventus í úrslitaleik ítalska ofurbikarsins.

Higuain er sagður vilja fara til Chelsea, þar hittir hann fyrir Maurizio Sarri sem náði því besta fram úr honum hjá Napoli.

Sarri vill nýjan sóknarmann, hann treystir ekki Alvaro Morata eða Olivier Giroud til að leiða sóknarlínu liðsins.

Higuain ku funda með forráðamönnum MIlan á næstu dögum en Chelsea hefur rætt við bæði Milan og Juventus um málið.