Þessi rækju- og hrísgrjónaréttur er algjör dásemd og ekki skemmir fyrir að maður er enga stund að búa hann til. Eiga ekki allir tuttugu mínútur aflögu til að elda?
Hráefni:
1 msk. grænmetisolía
2 hvítlauksgeirar, smátt saxaðir
2 gulrætur, smátt skornar
1 græn paprika, smátt skorin
450 g risarækjur, hreinsaðar
3 bollar soðin hrísgrjón
1 bolli frosnar, grænar baunir
2 msk. sojasósa
2 tsk. sesamolía
1 stórt egg, þeytt
Sriracha-sósa
2 msk. vorlaukur, saxaður
Aðferð:
Takið til pönnu og hitið olíu yfir meðalhita. Bætið hvítlauk saman við og steikið í 1 mínútu. Bætið gulrótum og papriku saman við og steikið í 3 mínútur til viðbótar. Bætið síðan rækjunum saman við og steikið í 4 mínútur og hrærið reglulega. Bætið hrísgrjónum og baunum saman við sem og sojasósu og sesamolíu. Steikið í 2 mínútur til viðbótar. Ýtið blöndunni á aðra hlið pönnunnar og hellið egginu á hina hliðina. Hrærið í egginu stanslaust þar til það er nánast eldað og bætið síðan restinni af matnum saman við. Skreytið með sriracha-sósu og vorlauk og berið fram.
