Þórdís Elva Þorvaldsdóttir les á Facebook-síðu sinni ljóð sitt, Eldgosið, eða The Eruption eins og það heitir í enskum flutningi hennar.

Ljóðið flytur Þórdís Elva í tilefni af alþjóðlega mannréttindadeginum, en dagurinn í gær var síðasti dagur alþjóðlegs átaks gegn kynbundnu ofbeldi, sem hófst 25. nóvember á alþjóðlegum baráttudegi gegn ofbeldi gegn konum. Þá eru jafnframt sjötíu ár frá því að mannréttindayfirlýsing Sameinuðu Þjóðanna var undirrituð.

Þórdís Elva hefur ávallt verið áberandi í jafnréttisbaráttu og fyrir að vekja athygli á reynslu kvenna af kynbundnu ofbeldi, en hún skrifaði bókina Handan fyrirgefningar, sem fjallar um hennar eigin reynslu.

„Stelpur eru kannski meðal viðkvæmustu íbúa heimsins, en þær eru líka harðvítugar, seigar og gáfaðar. En það sem mestu máli skiptir, er að þær eru framtíðin. Til stelpnanna minna, þetta er til ykkar. Megi eldgosið byrja.“