Friends þættirnir settu mark sitt á heila kynslóð á þeim tíu árum sem þeir voru í sýningum. Þökk sé streymisveitum, þá eru sífellt fleiri sem uppgötva Friends, 13 árum eftir að þeir eru hættir í sýningu.

Í Friends eins og öðrum þáttum þá hafa slæðst með mistök sem sumir tóku kannski eftir við fyrsta áhorf, aðrir við það tíunda og sumir aldrei.

Líkt og mistökin sem sjá má í fyrsta þættinum, þar sem Phoebe tekst á einstakan hátt að vera á tveimur stöðum í einu. Eða allavega tveimur myndskeiðum, sem er skeytt saman.

Fyrst sést Phoebe tala við Rachel í brúðarkjólnum, og síðan situr hún í makindum á sófanum á bak við Paul, kærasta Monicu.