Súkkulaðihnetusmjörið Nutella er eitt af þessum matvælum sem fólk annað hvort elskar eða hatar. Fyrirtækið sem framleiðir Nutella opnaði í gær glænýtt kaffihús í New York, í ljósi vinsælda fyrsta Nutella-kaffihússins sem var opnað í Chicago ekki fyrir svo löngu síðan.

Ýmislegt er í boði á nýja kaffihúsinu, svo sem frosnir Nutella pinnar og grillað bananabrauð með Nutella sem borið er fram með ferskum banönum og heslihnetum.

Þá er einnig hægt að setja sjálfur saman crepes-pönnukökur, gæða sér á vöfflum, croissant, pönnukökum og hafragraut. Allt er þetta náttúrulega stútfullt af áðurnefndu Nutella.

Það má því segja að kaffihúsið sé draumur hvers Nutella unnenda, enda er meira að segja hægt að fá Nutella-rjóma út í kaffið.