Á fimmtudag hélt Brynja Nordquist, flugfreyja og fyrrum fyrirsæta, í síðasta flug sitt sem flugfreyja hjá Icelandair. Flugið var til New York og flýgur Brynja heim aftur í dag.
„Þessi fallega kona er að leggja upp í sína allra síðustu ferð sem flugfreyja hjá Icelandair,“ skrifar Þórhallur Gunnarsson, eiginmaður Brynju og fjölmiðlamaður á Facebook. „Erum á leið til New York, þetta verður skemmtileg ferð.“
Brynja, sem er 65 ára, hefur átt langan feril sem flugfreyja og hefur kveðjum rignt yfir hana í tilefni starfslokanna, bæði frá samstarfsfólki og vinum.
