Tom Heaton, fyrirliði og markvörður Burnley er ósáttur á varamannabekknum og íhugar að fara í janúar.
Heaton meiddist á öxl á síðustu leiktíð en er heill heilsu í dag, Joe Hart kom til félagsins í sumar og hefur hirt stöðuna.
Einnig er Nick Pope sem er í enska landsliðinu hjá félaginu og er að koma til baka eftir meiðsli.
,,Stjórinn ákvað að fá inn Joe Hart,“ sagði Heaton en Hart kom vegna meiðsla Pope.
,,Joe fékk að byrja í Evrópudeildinni, stjórinn treysti honum gegn Southampton í deildinni, helgina á eftir. Þá varð ég pirraður.“
,,Ég get ekki logið, þetta var erfitt. Ég veit að Joe er öflugur og ber virðingu fyrir honum, ég bjóst við því að spila.“
