Ásgeir Kolbeins og Sunna Elvira
Ásgeir Kolbeinsson var um árabil einn heitasti piparsveinn landsins. Það þótti því ætíð fréttnæmt þegar „dýrið var tamið“ eins og kom svo snyrtilega fram í umfjöllun Vísis í febrúar 2011. Þá hafði ungur laganemi, Sunna Elvíra Þorkelsdóttir, nælt sér í goðið. Samband þeirra varði þó aðeins í skamma hríð. Eins og frægt varð fór umfjöllun um alvarlegt slys Sunnu Elvíru og eftirmála þess sem eldur í sinu um íslenskt samfélag í byrjun árs.
Margrét Erla Maack og Kristinn Hrafnsson
Fjölmiðla- og kabarettkonan Margrét Erla Maack var um tíma í sambandi við fjölmiðlamanninn Kristin Hrafnsson. Talsverður aldursmunur er á parinu, rúmlega 20 ár, en á móti kemur að þetta baráttufólk á margt sameiginlegt. Margrét hefur gert sig gildandi í metoo-umræðunni undanfarin misseri og greint frá áreiti sem hún hefur orðið fyrir sem skemmtikraftur. Á dögunum var síðan greint frá því að Kristinn væri tekinn við sem ritstjóri Wikileaks.
Sólmundur Hólm og Unnur Birna Vilhjálmsdóttir
Um tíma voru grínistinn Sóli Hólm og fegurðardrottningin Unnur Birna par. Barátta Sóla og sigur hans á krabbameini vöktu mikla athygli fyrir nokkru en síðan þá hefur grínistinn gert það gott sem sjónvarps- og útvarpsmaður auk þess sem uppistandssýningar hans hafa slegið í gegn. Unnur Birna hefur haldið sig frá sviðsljósinu undanfarin ár en gerir það gott í réttarsölum landsins sem útsjónarsamur lögfræðingur.
Katrín Jakobsdóttir og Davíð Þór Jónsson
Katrín og Davíð voru sambandi í um sjö ár ár og bjuggu saman um tíma. Ástin kviknaði í sjónvarpsþættinum Gettu betur en þar var Davíð Þór spyrill en Katrín stigavörður. Davíð Þór hefur sjálfur látið hafa eftir sér að Katrín hafi gefist upp á honum vegna þeirrar staðreyndar að hann var fársjúkur alkóhólisti á þessum árum. Síðan þá hafa bæði tvö blómstrað á nýjum vettvangi. Katrín sem forsætisráðherra þjóðarinnar en Davíð Þór sem vinsæll prestur í Vesturbænum.
Engilbert Jensen og Ragnhildur Gísladóttir
Engilbert og Ragga voru par um tíma á síðari hluta áttunda áratugarins. Engilbert var þá þjóðþekktur tónlistarmaður, sérstaklega fyrir sitt framlagt til hljómsveitanna Hljóma, Óðmanna, Tilveru, Trúbrots og Ðe lónlí blú bojs. Á þessum árum var Ragga að stíga sín fyrstu skref sem söngkona, bæði á eigin vegum en einnig með hljómsveitinni Lummurnar. Óþarfi er síðan að rekja feril hennar enda er Ragga ein dáðasta tónlistarkona Íslands. Hún og Engilbert eignuðust dóttur árið 1977.