Það er mikið rætt og ritað um samband Jose Mourinho, stjóra Manchester United og Paul Pogba þessa dagana.

Mourinho hefur staðfest að Pogba muni aldrei bera fyrirliðabandið aftur í sinni stjóratíð.

Þá áttu þeir í deilum fyrir æfingu liðsins á æfingu í gær, framtíð þeirra beggja er í lausu lofti.

Fjallað er um samskipti þeirra í dag í enskum blöðum en þau eru sögð afar stirð, Pogba hefur fengið leikmenn með sér sem eru komnir á móti Mourinho.

Þar má helsta nefna Anthony Martial og Eric Bailly sem eru miklir vinir Pogba. Það gæti útskýrt af hverju þeir félagar fá lítið að spila.

Mourinho er sagður hafa áhyggjur af því að Pogba hafi slæm áhrif á aðra leikmenn liðsins þegar kemur að hegðun og slíku.

Sagt er að Pogba og Andreas Pereira, miðjumaður liðsins séu orðnir miklir vinir og að hjá United hafi menn tekið eftir breytingum á Pereira.

Pereira er byrjaður að láta meira fyrir sér fara utan vallar og keypti sér meðal annars hvíta, Bentley á dögunum.

Ljóst er að margt þarf að breytast svo að samskipti þeirra lagist en United heimsækir West Ham á laugardag.