Alþjóðlega kvikmyndahátíðin í Reykjavík (RIFF) fer af stað með herlegheitum á fimmtudaginn og fagnar fimmtán ára afmæli sínu í ár. Hátíðin stendur til 7. október.

Kvikmyndir hafa oft verið breytingarafl í heiminum og hafa heimildamyndir skipað sífellt stærri sess í dagskrá hátíðarinnar með hverju ári. Einnig fá leiknar myndir sem snúa að mannréttindum, lífsgæðum og umhverfismálum veglegt pláss þetta árið.

Dagskráin á afmælishátíðinni setur einnig unga kvikmyndagerðarmenn á oddinn og má einnig búast við flottum gestum, en þeirra á meðal verða stjörnurnar Shailene Woodley og Mads Mikkelsen, eins og áður hefur verið greint frá.

Sem fyrr býðst bíógestum að spjalla við ýmsa leikstjóra um verk þeirra, sækja málþing og fyrirlestra, tónleika og listasýningar, auk þess að njóta kvikmynda með óhefðbundnum hætti, meðal annars í sundi, í helli eða jafnvel í stofunni hjá þekktum kvikmyndagerðarmanni.

Dagskrá hátíðarinnar má finna hér.

Fókus býður í bíó

Lesendum Fókus býðst nú tækifæri á því að vinna sér inn aðgangspassa fyrir tvo sem gildir yfir alla hátíðina.

Það eina sem þú þarft að gera til þess að eiga möguleika á slíkum grip er að skilja eftir ummæli hér fyrir neðan og segja okkur hvað þig langar að sjá á RIFF í ár; hvort sem það er ein ákveðin kvikmynd, jafnvel fimm eða ákveðinn viðburður.

Vinningshafar verða dregnir út á fimmtudaginn og mun þá DV hafa samband við notendur með nánari fyrirmælum um hvernig skal nálgast passana.

Athugið að aðeins þeir keppendur eru líklegir til sigurs sem hafa líkað við DV á Facebook.