Zinedine Zidane fyrrum þjálfari Real Madrid segir að hann muni innan tíðar snúa aftur í boltann.
Zidane sagði upp starfi sínu hjá Real Madrid í sumar eftir að hafa unnið Meistaradeildina þrjú ár í röð, öll árin hans í starfi.
Zidane er mikið orðaður við starfið sem Jose Mourinho situr í hjá Manchester United.
,,Ég er viss um að það sé stutt í að ég fari að þjálfa,“ sagði Zidane en hann er sagður hafa mikinn áhuga á starfinu á Old Trafford.
,,Þetta er það sem ég elska og það sem ég hef gert allt mitt líf,“ sagði þessi öflugi þjálfari.
