Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í flestum stærstu deildum Evrópu er nú opinn og geta lið enn styrkt sig fyrir utan þau sem spila í ensku úrvalsdeildinni.
Hér má sjá pakka dagsins.
Jose Mourinho, stjóri Manchester United, sagði félaginu að kaupa ekki Cristiano Ronaldo frá Juventus í sumar. (Mirror)
Paul Pogba, leikmaður United, vonast til að komast burt frá félaginu í janúar og vill fara aftur til Juventus. (Tuttosport)
Unai Emery, stjóri Arsenal, er tilbúinn að sparka boltanum langt til að ná úrslitum þrátt fyrir að vera hrifinn af því að nota stuttar sendingar. (Mirror)
Yerry Mina, leikmaður Everton, valdi félagið frekar en Manchester United í sumar þar sem Marco Silva hringdi í hann en ekki Jose Mourinho. (Sun)
Tottenham fylgist með Frenkie de Jong, efnilegum 21 árs gömlum miðjumanni Ajax. (Express)
Sheikh Mansour, eigandi Manchester City, var í viðræðum við félag í London áður en hann keypti félagið. (Mail)
