Thibaut Courtois er ekki sá vinsælasti á meðal stuðningsmanna Chelsea í dag en hann samdi við Real Madrid á dögunum.

Courtois reyndi ítrekað að komast burt frá Chelsea í sumar og neitaði að lokum að mæta á æfingar.

Courtois kom sér ekki hærra á vinsældarlistanum í gær er hann greindi frá því að hann vildi sjá Eden Hazard, stjörnu Chelsea, spila með sér hjá Real.

,,Ef hann getur komið hingað þá yrði það frábært. Hann er mjög ánægður fyrir mína hönd,“ sagði Courtois.

,,Hann er frábær leikmaður og ég væri til í að vera ávallt með honum. Við skulum sjá hvað gerist.“