Læknaneminn og tónlistarmaðurinn, Ragnar Árni Ágústsson tók upp og setti á You Tube, í gær, Bieber slagarann Sorry í sinni eigin útgáfu. Afraksturinn er stórkostlegur líkt og sjá má í myndbandinu sem birtist hér að neðan.

„Ég var að hlusta á Sorry og fór að skoða hljómana og textann, þetta er bara mjög fallegt lag og fór að prófa að búa til svona rólega útgáfu,“ segir Ragnar Árni sem tók lagið upp á heimili sínu.

Í samtali við Smartland segist Ragnar hafa tekið lagið upp til að bjóða Bieber velkominn til Íslands. Ragnar er búinn að vinna á Landspítalanum í sumar en hann stundar læknanám í Ungverjalandi. Samhliða krefjandi starfi er Ragnar, líkt og áður segir, tónlistarmaður en hann er búinn að taka upp nokkur lög í sumar sem koma út á næstunni.

[youtube https://www.youtube.com/watch?v=zgYsjbMlVjA&w=640&h=360]