Jóhann Berg Guðmundsson var á skotskónum fyrir lið Burnley í dag sem spilaði vináttuleik við Macclesfield.
Burnley spilaði tvo vináttuleiki á sama tíma en tvö mismunandi liðum var stillt upp. Annað liðið lék við lið Curzon og vann 5-2.
Jói Berg var partur af sterkara liði Burnley sem mætti Macclesfield og vann 2-0 sigur.
Okkar maður tók með sér skotskóna í leikinn en Jói Berg gerði annað mark liðsins í sigrinum snemma í síðari hálfleik.
Góðar fréttir fyrir Burnley að Jói sé heitur en nú styttist í að enska úrvalsdeildin fari af stað á ný.
