Það eru mörg stórlið í Evrópu sem hafa sýnt miðjumanni Nice, Jean Michael Seri, áhuga undanfarna mánuði.

Seri er 26 ára gamall landsliðsmaður Fílabeinsstrandarinnar og hefur staðið sig vel í Frakklandi.

Chelsea, Barcelona, Juventus, Bayern Munchen og Liverpool hafa öll sýnt áhuga á að fá þennan skemmtilega leikmann í sínar raðir.

Samkvæmt enskum miðlum mun Fulham hins vegar vinna kapphlaupið um Seri sem kostar 35 milljónir punda.

Seri var staddur í London á dögunum og nú er greint frá því að hann hafi verið í viðræðum við nýliðana.

Fulham tryggði sér sæti í ensku úrvalsdeildinni á síðustu leiktíð og er því að gera ótrúlega hluti með að næla í Seri.

Chelsea reyndi fyrr í sumar að fá leikmanninn en útlit er fyrir að hann spili á Craven Cottage á næsta tímabili.