Hörður Snævar Jónsson skrifar frá Rússlandi:

,,Heilsan er góð, smá þreyta í mannskapnum,“ sagði Hörður Björgvin Magnússon, bakvörður Íslands fyrir æfingu liðsins í dag.

Íslenska liðið fékk frí í gær en í dag hefst formlegur undirbúningur fyrir leikinn gegn Nígeríu á föstudag.

,,Hitinn og erfiður leikur, svona er þetta eftir leik. Þetta verður erfiður leikur gegn Nígeríu, mikill hiti og mýflugur. Maður sá leikinn hjá Englandi í gær og það voru mýflugur út um allt. Maður þarf að kaupa flugnanet fyrir leikinn, þetta verður skemmtilegur leikur.“

Leikur Íslands og Nígeríu fer fram í Volgograd en þar er gríðarlegur hiti og mikið af flugum.

,,Við erum orðnir vanir hitanum, við erum tilbúnir í hvað sem er. Við ætlum að gefa þeim góðan leik.“

Viðtalið er í heild hér að neðan.