Vilhjálmur H. Vilhjálmsson

950.666 kr. á mánuði.

Vilhjálmur H. Vilhjálmsson hæstaréttarlögmaður hefur tekið að sér mörg mál sem ratað hafa í fjölmiðla og verður að teljast til hinna svokölluðu stjörnulögmanna.

Til dæmis fór hann með meiðyrðamál Egils „Gillzenegger“ Einarssonar fyrir Mannréttindadómstól Evrópu og hafði sigur gegn íslenska ríkinu.

Á árinu vakti Vilhjálmur hins vegar mesta athygli fyrir að hafa farið fram á að Arnfríði Einarsdóttur, dómara hins nýstofnaða Landsréttar, yrði vikið frá sökum vanhæfis og þess í stað yrði fenginn einhver þeirra sem hæfisnefnd mat hæfasta til að gegna sæti dómara. Töldu margir að Vilhjálmur hefði gert meira til að hreyfa við umdeildri skipun Sigríðar A. Andersen dómsmálaráðherra en flest stjórnmála- og fjölmiðlafólk.