Það eru minna en þrjár vikur í það að íslenska karlalandsliðið haldi á Heimsmeistaramótið í Rússlandi.

Liðið heldur til Rússlands 9 júní en viku síðar mun liðið leika fyrsta leik á mótinu gegn Argentínu.

Á meðan mótinu stendur verður liðið með búðir í Gelendzhik, sem er ferðamannastaður í Rússlandi við Svartahafið.

Í bænum og í kringum hann búa um 50 þúsund íbúar en margir heimamenn koma þamgað í sumarfrí sín.

Síðustu mánuði hefur KSÍ unnið að því allt verði í lagi þegar liðið mætir til Gelendzhik. Búið er að laga æfingasvæðið þar sem liðið dvelur.

Æfingasvæðið er mikið notað en þangað koma fjölmiðlar nánast alla daga á meðan mótinu stendur. Svæðið verður vel girt af en þar verða tjöld með fjölmiðlafundum og vinnuaðstöðu.

Myndir af æfingasvæðinu eru hér að neðan.