Hjalti Jakob Ingason lést í bruna á Stokkseyri þann 1. júlí síðastliðinn. Hjalti var aðeins 4 ára gamall, fæddur 2. maí 2012. Litla samfélagið á Stokkseyri hefur verið lamað af sorg vegna fráfalls Hjalta. Styrktarreikningur hefur verið stofnaður fyrir fjölskyldu Hjalta Jakobs, en hann lætur eftir sig foreldra og tvær yngri systur.

Bænastund verður haldin í Stokkseyrarkirkju í kvöld klukkan átta. Þá hefur Bryggjuhátíð sem fara átti fram 8 til 10 júlí verið aflýst í ár af virðingu við aðstandendur. Hermundur Guðsteinsson fyrir hönd hátíðarhaldara segir á Facebook-síðu Bryggjuhátíðarinnar.

„Orð eru máttvana og fá ekki lýst þeirri sorg og þeim söknuði sem hvílir á foreldrum, systkinum og aðstandendum Hjalta Jakobs.“

Þar segir ennfremur:

„Við vottum foreldrum, systkinum og aðstandendum Hjalta Jakobs okkar dýpstu samúð og hluttekningu. Megi allt hið góða styrkja ykkur í sorginni og megi hlý minningin um ungan, fallegan, ljóshærðan dreng vaka í huga ykkar og hjörtum um ókomna framtíð.“

Styrktarreikningurinn er á nafni móður Hjalta Jakobs, Gunnhildar Ránar Hjaltadóttur. Þau sem geta aðstoðað fjölskylduna á þessum erfiðu tímum er bent á reikninginn hér fyrir neðan sem aðstandendur hafa stofnað fyrir fjölskylduna.

„Okkar von er að samfélagið vilji sjá til þess að unga fjölskyldan þurfi ekki að hafa fjárhagsáhyggjur ofan á þá miklu og ólýsanlegu sorg sem þau eru að ganga í gegnum.“

Reikningsnúmer: 0586-14-400054. Kennitala: 210686-4449. Margt smátt gerir eitt stórt.