Í ágúst á síðasta ári gerði úkraínski herinn óvænta innrás í Kúrsk-héraðið í Rússlandi og lagði um 1.000 ferkílómetra lands undir sig. Rússar tilkynntu fyrir nokkrum vikum að þeim hefði tekist að hrekja úkraínska herinn úr héraðinu. En Oleksandr Syrsky, yfirhershöfðingi úkraínska hersins, sagði um helgina að svo sé ekki. Úkraínumenn séu enn með hluta héraðsins á sínu valdi.

Hann sagði að 10.000 rússneskir hermenn reyni að hrekja úkraínska herinn úr héraðinu. Hann sagði að Úkraínumenn séu enn með um 90 ferkílómetra lands á sínu valdi.

Hann ræddi við fréttamenn á sunnudaginn og sagði einnig að úkraínski herinn munu auka „umfang og dýpt“ árása sinna á Rússland. „Auðvitað höldum við áfram,“ sagði hann.

Með innrásinni í Kúrsk tókst Úkraínumönnum að búa til „stuðpúðasvæði“ sem kom í veg fyrir að Rússar gætu sent hermenn til lykilsvæða í austanverðri Úkraínu.

Það fór síðan að halla undan fæti hjá Úkraínumönnum í Kúrsk þegar 11.000 norðurkóreskir hermenn voru sendir til liðs við rússneska herinn í héraðinu.