Gary Neville, fyrrum fyrirliði Manchester United telur að Mohamed Salah eigi enga möguleika á því að vinna Gullknöttinn.
Salah var valinn leikmaður ársins í ensku úrvalsdeildinni á dögunum en það voru leikmenn deildarinnar sem völdu Egyptann bestann.
Hann hefur nú skorað 43 mörk í 47 leikjum fyrir Liverpool á þessari leiktíð og hafa menn verið að bera hann saman við þá Cristiano Ronaldo og Lionel Messi að undanförnu.
Messi og Ronaldo hafa einokað verðlaunin, undanfarin tíu ár en þeir hafa báðir unnið Gullknöttinn fimm sinnum á ferlinum.
Neville telur hins vegar að Salah eigi enga möguleika og að Cristiano Ronaldo muni vinna verðlaunin.
„Það verður aðeins einn sigurvegari og það er Ronaldo,“ sagði Neville á Twitter en margir hafa látið bakvörðinn fyrrverandi heyra það duglega eftir að hann lét þessu ummæli falla.
