Liverpool og Roma eigast nú við í fyrri leik liðanna í undanúrslitum Meistaradeildarinnar og er staðan 2-0 fyrir heimamenn þegar fyrri hálfleik var að ljúka.
Það var Mohamed Salah sem kom heimamönnum yfir á 26. mínútu með stórbrotnu marki þegar hann fékk boltann, utarlega í vítateignum og setti hann í slánna og inn.
Salah var svo aftur á ferðinni á 45. mínútu þegar hann vippaði snyrtilega yfir Allison í marki Roma og staðan því orðin 2-0 fyrir Liverpool.
Egyptinn vildi ekki fagna mörkunum enda að spila gegn sínum fyrrum liðsfélögum en hann kom til Liverpool síðasta sumar fyrir rúmlega 36 milljónir punda.
Myndband af fyrra marki Salah má sjá með því að smella hér.
Myndband af seinna marki Salah má sjá með því að smella hér.
