Vicky Balch missti hægri fótlegginn í hræðilegu slysi í júní 2015. Eftir slysið átti hún mjög erfitt og glímdi við sjálfsvígshugsanir. Nú hefur hún lært að elska líkamann sinn upp á nýtt og til að samfélagið lítur á sem kynþokkafullt þá sat hún fyrir nakin til að sýna að það sé hægt að elska örin sín.

Vicky var ein af fimm manneskjum sem slasaðist alvarlega í breska skemmtigarðinum Alton Towers í Staffordshire í júní 2015. Vagn í rússíbananum sem var á fleygiferð rakst á tóman vagn sem sendur hafði verið af stað í prufuferð. Fórnarlömbin voru föst í rúmlega fjórar klukkustundir, átta metrum frá jörðu, að bíða eftir að vera bjargað.

Vicky sagði að hún hafi íhugað að binda enda á líf sitt eftir að hún missti i fótlegginn en í dag hefur hún lært að elska líkamann sinn eins og hann er. Hún vill sýna öðrum örin sín og veita þeim innblástur. Hún sat fyrir á nærfötunum í fyrra og hefur nú einnig setið fyrir nakin og lítur stórglæsilega út á myndunum.

Sérstaklega í byrjun, þá voru dagar sem ég vildi ekki vera hérna lengur. Ég hugsaði „Hver er tilgangurinn? Ég mun aldrei geta lifað lífi mínu né ástarlífi mínu til fulls aftur.“

sagði hún við Sunday People.

En nú segir hún að hún hefur áttað sig á því að það er alltaf einhver sem mun finnast þú aðlaðandi, sama hvernig þú lítur út. Hún sagði frá því í viðtalinu að hún hefur stundað kynlíf eftir slysið og átt þrjá kærasta í stuttan tíma. Hún kynntist þeim annaðhvort á Tinder eða í gegnum vini en bætti við að það væri erfitt.

Það var ekki mjög gaman því mér fannst ég ekki kynþokkafull. Ég var mjög meðvituð um þetta og leið ekki vel. Það hefur áhrif á stemninguna og ég vildi hafa ljósin slökkt.

Ég þurfti að læra að elska líkamann minn aftur. Ég held að ég muni aldrei sætta mig við hvað gerðist, en ég elska líkamann minn eins og hann er. Ég kalla þau baráttuör og ég hef þurft að sætta mig við þau.