Það var mikið fagnað í Árbænum í dag eftir leik Fylkis og ÍR í Inkasso-deild karla.
Fylkismenn gátu tryggt sér sigur í deildinni með sigri í dag en þurftu að treysta á að Keflavík myndi misstíga sig.
Það er nákvæmlega það sem gerðist í dag en Fylkir fagnaði 2-1 sigri gegn ÍR og Keflavík tapaði 2-1 gegn HK.
Fylkir fagnar því sigri í deildinni og er tveimur stigum á undan Keflavík eftir lokaumferðina.
Það var að vonum fagnað á Fylkisvelli eftir lokaflautið eins og má sjá hér fyrir neðan.
