„Ég hafði mikla trú á okkur fyrir leikinn og var alveg að búast við því að við myndum fara áfram úr þessu einvígi,“ sagði Böðvar Böðvarsson, varnarmaður FH eftir 1-0 tap liðsins gegn Maribor í forkeppni Meistaradeildarinnar í kvöld.

Það var Tavares sem skoraði eina mark leiksins á 92 mínútu og FH er því úr leik í Meistaradeildinni en liðið mun leika um laust sæti í Evrópudeildinni.

„Það voru nokkur tækifæri þar sem við hefðum getað ráðist betur á boltann en það er erfitt að segja, ég á erfitt með að greina þetta núna.“

„Á Íslandi þá höfum við sýnt það, undanfarin ár að við getum strítt hvaða liði sem er en við fáum annan séns og vonandi verðum við heppnir með drátt bara.“

Viðtalið í heild sinni má sjá hér fyrir ofan og neðan.