Porto tók á móti Liverpool í 16-liða úrslitum Meistaradeildarinnar í kvöld en leiknum lauk með 5-0 sigri gestanna.

Það voru þeir Sadio Mane, Mohamed Salah og Roberto Firmino sem skoruðu mörk Liverpool í kvöld en Mane skoraði þrennu í leiknum.

Sadio Mane var að vonum sáttur með fyrstu þrennu sína í búningi Liverpool.

„Þetta var ekki auðveldur leikur fyrir okkur, þrátt fyrir að við hefðum skorað fimm mörk,“ sagði Mane.

„Við spiluðum frábæran fótbolta frá fyrstu mínútu. Ég nýt þess mikið að spila með þessum frábæru leikmönnum.“

„Án leikmannanna fyrir aftan okkur myndum við ekki geta mikið, það eru þeir sem senda boltann á okkur,“ sagði Mane að lokum.