Guilem Balague sérfræðingur Sky Sports segir að Philippe Coutinho sé keyptur til Barceona sem arftaki Andres Iniesta.

Iniesta er á síðustu metrunum með Barcelona og gæti farið í sumar.

,,Iniesta er að eldast og það er talið að þetta geti verið hans síðasta tímabil, hann er með rosaleg tilboð frá Kína,“ sagði Balague.

,,Barcelona þarf svona gæði á miðsvæðið, Coutinho er ekki Iniesta ennþá. Þeir horfa á hann sem sóknarmann núna en vilja þróa leik hans.“

,,Í byrjun þarf Coutinho ekki að verjast mikið en hann þarf að læra þá hluti, þeir sjá hann til lengri tíma sem miðjumann.“