Hermann Hreiðarsson er á leið til Indlands og mun verða aðstoðarþjálfari Kerala Blasters.
Hermann verður aðstoðarþjálfari David James sem var ráðinn þjálfari liðsins á dögunum.
James og Hermann þekkjast vel en þeir léku saman hjá Pourtsmouth. James varði svo mark ÍBV þegar Hermann var þjálfari liðsins.
Hermann hefur þjálfað karla og kvennalið Fylkis hér á landi síðustu ár.
Með Kerala Blasters leika tvær stórstjörnur úr fótboltanum, um er að ræða framherjann Dimitar Berbatov og Wes Brown.
Þá er Paul Rachubka í marki liðsins en hann ólst upp hjá Manchester United en hefur farið víða síðan.
