Newcastle íhugar að bjóða í Troy Deeney, framherja Watford en það er Northern Echo sem greinir frá þessu.
Deeney er fyrirliði Watford en hann hefur ekki náð að sýna sitt rétta andlit á þessari leiktíð.
Hann hefur spilað með Watford síðan árið 2010 og á að baki tæplega 300 leiki með félaginu þar sem hann hefur skorað 102 mörk.
Hann hefur spilað 14 leiki fyrir Watford á þessari leiktíð þar sem hann hefur skorað 2 mörk og lagt upp 1.
Newcastle situr sem stendur í þrettánda sæti deildarinnar með 22 stig, tveimur stigum frá fallsæti.
