Jesse Lingard, sóknarmaður Manchester United hefur verið öflugur í síðustu leikjum.
Hann var á skotskónum í 2-0 sigri liðsins gegn Everton um helgina og þá tryggði hann liðinu m.a sigur gegn Arsenal í byrjun desember.
Lingard er ekki allra og stuðningsmenn United hafa verið duglegir að gagnrýna leikmanninn, undanfarin ár en þrátt fyrir það hefur Jose Mourinho haldið tryggð við hann.
Sir Alex Ferguson, fyrrum stjóri United hefur alltaf haft trú á Lingard og lét athyglisverð ummæli falla um leikmanninn, árið 2012 en þá var hann einungis 19 ára gamall.
„Jesse Lingard verður frábær leikmaður einn daginn,“ sagði Ferguson.
„Hann er 19 ára, kemur í gegnum unglingastarfið okkar og er byggður eins og Jean Tigana.“
„Tigana skaust hins vegar ekki fram á sjónarsviðið fyrr en að hann var 24 ára og ég hef trú á því að það verði svipað uppá teningnum hjá Lingard,“ sagði hann að lokum.
