Olivier Giroud, framherji Chelsea er ekki ánægður með byrjun sína hjá félaginu.

Giroud kom til félagsins í janúarglugganum frá Arsenal en hann hefur ekki ennþá skorað í ensku úrvalsdeildinni fyrir félagið.

Hann hefur aðeins skorað eitt mark í átta leikjum fyrir félagið en markið kom í enska FA-bikarnum í sigri gegn Hull City.

„Ég er ánægður með það hvernig mér hefur gengið að aðlagast, hvernig mér hefur verið tekið hérna og liðsfélaga mína,“ sagði Giroud.

„En ég hefði og á að vera búinn að skora fleiri mörk. Ég er búinn að skora eitt mark og leggja upp önnur þrjú.“

„Ég er ekki ánægður með það en ég mun bæta það upp þegar fram líða stundir,“ sagði hann að lokum.