Helgi Fannar og Hörður Snævar skoðuðu komandi leiki í enska boltanum í Íþróttavikunni.
Hörður er á því að Mikel Arteta sé of stressaður til að vinna Englandsmeistaratitilinn. Þá setur hann spurningamerki við ýmsar aðferðir hans, eins og að mæta með skjávarpa á æfingu til að undirbúa leikmenn.
Vill hörður meina að atriði sem Besta deildin birti með gæðastjóranum Ólafi H. Kristjánssyni hafi verið skot á þessar aðferðir Arteta. Þar spilaði hann stuðningsmannalag Eyjamanna og fleiri liða til að undirbúa lið Þróttar fyrir útileikina í sumar.
„Þessi skjár sem hann mætti með á æfingu um daginn, ég má til með að hrósa gæðastjóra Bestu deildarinnar með auglýsinguna hjá Þróttarastelpunum,“ sagði Hörður.
„Það var alvöru sneið á Arteta, þegar hann spilaði hið magnaða Eyjalag og gólaði á þær,“ sagði hann enn fremur.
Þátturinn er í spilaranum.
