Manchester United hefur sent fyrirspurn til Barcelona vegna miðjumannsins Marc Casado, ef marka má spænska miðilinn Mundo Deportivo.
Casado er 22 ára varnarsinnaður miðjumaður sem kom úr La Masia-akademíu Barcelona. Auk United hefur botnlið Wolves í ensku úrvalsdeildinni einnig sett hann á sinn óskalista fyrir sumargluggann ef marka má þessar fréttir.
Áhugi United er hluti af endurnýjun á miðjunni sem fyrirhuguð er sumarið 2026. Félagið er einnig orðað við leikmenn á borð við Adam Wharton, Carlos Baleba, Elliot Anderson og Joao Gomes.
Komi Casado á Old Trafford er því mun líklegra að það yrði í sumar en nú í janúarglugganum.
Cadado hefur spilað 19 leiki fyrir Börsunga í öllum keppnum það sem af er þessari leiktíð.
