Arnar Daði Arnarsson og Styrmir Sigurðsson, sem stýra hlaðvarpinu og vefsíðunni Handkastið, voru gestir Helga Fannars í Íþróttavikunni á 433.is og hituðu upp fyrir EM í handbolta í þessum mánuði.

Ísland er á leið inn í sitt fyrsta stórmót eftir að Aron Pálmarsson, einn besti handboltamaður í Íslandssögunni, lagði skóna á hilluna.

„Enginn veit hvað átt hefur fyrr en misst hefur, þó við höfum verið nokkuð gagnrýnir á okkar mann í gegnum tíðina og viljað meira frá honum. Hann er ótrúlegur leiðtogi og búinn að vinna þetta allt saman. Ég hugsa að í einhverjum mómentum værum við til í að hafa Aron.

Við erum búnir að segja í svona 15 ár, frá því Haukur Þrastarson kom upp í 4. flokki Selfoss, að við sjáum hann fyrir okkur sem arftaka Arons. Ég bind vonir við það. Ég er að vona að okkar maður taki þetta á sínar herðar sóknarlega,“ sagði Styrmir.

Þátturinn í heild er í spilaranum.