Fólk sem hefur skreytt húð sína með húðflúrum gæta óafvitandi stofnað heilsu sinni í hættu að því er ný rannsókn  bendir til. Svissneskir vísindamenn rannsökuðu áhrif húðflúrbleks með því að húðflúra 40 mýs með svörtu, rauðu og grænu bleki á fæturna.

Svissneskir vísindamenn hafa komist að nokkrum uggvænlegum niðurstöðum eftir að hafa rannsakað áhrif húðflúrsbleks á líkamann.

Þrátt fyrir að rannsóknir hafi verið gerðar á eituráhrifum þess vildu vísindamennirnir kanna hvernig það getur haft áhrif á ónæmissvörun okkar. Rannsóknarteymið, undir forystu prófessors Santiago Gonzalez, húðflúraði 40 mýs með svörtu, rauðu og grænu bleki á fæturna.

Síðan var fylgst með þvíhvernig blekið dreifðist í músunum með svokallaðri rafeindasmásjá, samkvæmt rannsókninni sem birt var í Proceedings of the National Academy of Sciences. Sérfræðingar komust að því að húðflúrsblekið ferðaðist hratt í gegnum sogæðakerfi húsanna og innan fárra klukkustunda hafði hlutfallslega mikið magn af efninu safnast fyrir í eitlum dýranna.

Sjá einnig: Ertu með húðflúr? Ef svarið er já þá erum við með slæmar fréttir fyrir þig

Átfrumur, sem eru tegund hvítra blóðkorna, „gleyptu“ síðan blekið sem olli miklum bólguviðbrögðum í líkama músanna. Þessar átfrumur drápust svo með þeim afleiðingum að blekið lak úr þeim en svo hófst ferlið að nýju með nýmynduðum átfrumum.

Afleiðingin voru langvinnar bólgur í líkama músanna. Tveimur mánuðum eftir að hafa verið húðflúraðar voru bólgumerki í líkama þeirra fimm sinnum hærri en eðlilegt getur talist.

Haft er eftir Santiago Gonzalez, prófessornum sem var í forsvari fyrir rannsóknina, að þessar niðurstöður gætu verið váleg tíðindi fyrir þá sem skarta húðflúrum „Vandamálið er að til lengri tíma litið þreytir bólga ónæmiskerfið og þá eru meiri líkur á að fá sýkingar eða sumar tegundir krabbameins,“ sagði Gonzalez.

Til samanburðar greindi svissneska rannsóknarteymið einnig vefjasýni úr eitlum fólks með húðflúr og sagði Gonzales að þau hefðu verið „alveg full af bleki“, rétt eins og hjá músunum.