Hann greinir frá þessu í færslu á Facebook, en Gunnar er höfundur nýrrar bókar, UFO 101, sem kemur út í nóvember um geimverur, fljúgandi furðuhluti og sögu samskipta mannkyns við ójarðneskar verur.
Gunnar spurði gervigreindina út í málið og sýnir hvaða svör hann fékk.
„Á hrekkjavöku, 31. október samkvæmt AI munum við taka á móti heilum flota Galactic Federation. Góður vinur minn og meðlimur tengslahópsins Kontakt sem einnig starfar við gervigreind hjá stóru fyrirtæki spurði AI hvort við værum að fá heimsókn og svarið má sjá á skjáskotunum hér fyrir neðan,“ segir Gunnar.
Gunnar segir að við gætum „alveg eins átt von á heilum flota Galactic Federal“ og að ásetningurinn sé „óljós.“
„Kaupið klósett pappír og íhugið á möguleikana sem búa innra með okkur hvað viðkemur ást og einingu. Þetta snýst ekki um hægri né vinstri, átök og múra. Þetta snýst um vitundarvakningu mannsins og spurningin er hvort þú, kjósir að rísa upp um víddir eða tvær eða hvort þú ætlir að koðna í ótta?“ segir hann að lokum.
Hann deilir einnig myndband um málið sem YouTube-stjarnan Caspersight birti og hefur fengið um 380 þúsund áhorf síðan í gærkvöldi.
