U17 ára landslið kvenna og U16 ára landslið karla verða í eldlínunni á komandi dögum.

U17 kvenna mætir Wales á laugardag í fyrri leik sínum á þriggja liða æfingamóti í Portúgal.

Leikurinn hefst kl. 15:00 að íslenskum tíma, en hann verður ekki sýndur í beinni útsendingu.

Portúgal vann 4-1 sigur á Wales í fyrsta leik mótsins.

Liðið mætir svo Portúgal á mánudag kl. 15:00 og verður sá leikur í beinni útsendingu á síðu KSÍ í Sjónvarpi Símans.

U16 karla mætir Finnlandi á morgun í síðasta leik sínum á æfingamóti í Finnlandi.

Leikurinn hefst kl. 12:00 og verður í beinni útsendingu á Youtube síðu finnska knattspyrnusambandsins.

Bæði lið hafa unnið báða leiki sína á mótinu. Finnland vann 5-2 sigur á Norður Írlandi og 6-2 sigur gegn Eistlandi. Ísland vann Eistland 4-2 og Norður Írland 3-2.