Bandaríska leikkonan Tori Spelling gaf fyrrverandi eiginmanni sínum, Dean McDermott, gömlu brjóstapúðana sína sem DYI gjöf (e. Do-It-Yourself) í afmælisgjöf.

„Ég tók gömlu brjóstapúðana sem ég lét fjarlægja, ég held að læknirinn hafi ekki átt að láta mig fá þá en hann gerði það, og setti þá í kassa og bjó til bókastoðir úr þeim,“ sagði Spelling, í þætti sínum misSPELLING. „Hlustendur, þið vitið að mér finnst gaman að gera hlutina sjálf,“ grínaðist leikkonan. „Ég veld aldrei vonbrigðum.“

Spelling segir að eftir skilnað þeirra sé gjöfin enn ein af verðmætustu eignum hennar. Fyrrverandi eiginmaður hennar bauðst til að skila gjöfinni þegar þau skildu. Segir hún að þrátt fyrir að hafa móðgast yfir boðinu hafi hún þegið gjöfina til baka, því þau „eru enn mjög góðir vinir og taka sameiginlega þátt í uppeldi barna þeirra.“

McDermott mun hafa lagt til að Spelling seldi brjóstapúðana eða bókastoðirnar á eBay, en Spelling segist ekki myndu gera það, en veltir samt fyrir sér hvers virði þeir séu.

„Bíddu, hvað heldurðu að ég gæti fengið fyrir þá? Ég er bara forvitin, spyr fyrir vin. Mig langar eiginlega að láta bronsa þá eða eitthvað. Ef þeir væru bronsaðir gæti ég jafnvel búið til pappírspressu úr þeim.“

Spelling og McDermott giftu sig í maí árið 2006. Þau eiga saman fimm börn, synina Liam, 18 ára, Finn, tólf ára og Beau, átta ára, og dæturnar Stellu, 17 ára, og Hattie, þrettán ára. Fyrir átti McDermott soninn Jack, sem er 25 ára. Hjónin skildu í júní árið 2023 eftir 17 ára hjónaband. 

Aðeins fjórum mánuðum síðar opinberaði McDermott samband sitt og leikkonunnar Lily Calo. 

Mánuði síðar komst Spelling í fréttirnar fyrir að hafa kysst Ryan Cramer, sem þykir nánast tvífari McDermott. Á þeim tíma taldi McDermott að ástarsamband Spelling væri örvæntingarfull beiðni um athygli. Spelling og Cramer sáust síðast saman á rauða dreglinum í apríl í ár.