Helgi Fannar Sigurðsson skrifar frá Sviss
Íslenska kvennalandsliðið spilar nú klukkan 16 við Finnland í fyrsta leik EM. Það er mikil spenna á meðal Íslendinga, þá sérstaklega hér í Sviss, og er Þorvaldur Örlygsson formaður KSÍ að sjálfsögðu á svæðinu.
„Eins og allir í kringum okkur er ég mjög spenntur. Maður er búinn að vera það undanfarna daga og nú er komið að þessu. Það er gott veður, góður völlur, mikil tilhlökkun,“ sagði hann við 433.is í Fan Zone í Thun í dag.
Hann heldur að leikurinn fari vel í kvöld. „Ég er mjög bjartsýnn en eins og allir geri ég mér grein fyrir að þetta er stórt verkefni.“
Íslenskir stuðningsmenn tóku yfir Thun í dag svo eftir því var tekið.
„Við Íslendingar erum þannig að þetta þjappar okkur saman. Mörk breyta leikjum og liðum en þau geta líka breytt heilli þjóð. Ég held þau muni gera það í kvöld,“ sagði Þorvaldur.
Nánar í spilaranum.
