Helgi Fannar Sigurðsson skrifar frá Sviss

Karólína Lea Vilhjálmsdóttir, ein skærasta stjarna íslenska landsliðsins, gæti verið að færa sig um set næstu daga og gaf hún það í skyn í samtali við 433.is í dag.

Karólína er að sjálfsögðu stödd með íslenska liðinu á EM, þar sem það hefur leik gegn Finnum á miðvikudag. Hún ræddi komandi leik í viðtalinu en var einnig spurð út í sína framtíð.

Karólína er sterklega orðuð við ítalska stórliðið Inter um þessar mundir. Hún er samningsbundin Bayern Munchen en hefur verið á láni hjá Bayer Leverkusen undanfarin tvö ár.

„Ég er samningsbundinn Bayern eins og stendur en ég get sagt ykkur það að framtíð mín mun ráðast á næstu dögum,“ sagði Karólína, spurð út í sögusagnirnar.

Hún ræddi einnig tímann hjá Leverkusen sem reyndist henni dýrmætur.

„Ég átti góð tvö ár og sé ekki eftir því að hafa farið þangað. Mér leið mjög vel og lærði mikið. Þetta voru mismunandi ár, ég skoraði mikið og gekk vel fyrra árið en seinna árið var aðeins erfiðari og fótboltinn hentaði mér ekki beint.“

Nánar í spilaranum.