Í vikunni var réttað við dómstól í Bristol á Englandi (Bristol Crown Court) yfir 92 ára gömlum manni sem ákærður er fyrir skelfilegan glæp sem var framinn árið 1967.

Er málið sagt elsta óleysta málið í breskri réttarsögu sem er dómtekið.

Sakborningurinn, Ryland Headley, er sakaður um að hafa árið 1967, nauðgað Louisa Dunne, sem þá var 75 ára, og kyrkt hana. Talið er að réttarhöldin munu standa í samtals þrjár vikur, en einni viku er lokið.

Ryland lýsti sig saklausan af ákærunni.

Þrátt fyrir viðamikla rannsókn á sínum tíma tókst aldrei að upplýsa málið en grunur beindist að Ryland þegar rannsóknarlögreglumenn hófu að rýna að í gögn málsins árið 2023.

Saksóknarinn Anna Vigars KC sagði fyrir dómi að mikilvægasta atriðið væri að hér væri um að ræða morð á aldraðri og berskjaldaðri konu á heimili hennar. Konu sem hafði engin tök á að verja sig. Það skipti ekki máli hvort glæpurinn hafi verið framinn fyrir 58 dögum eða 58 árum. Morð á einstaklingi væri ávallt alvörumál og það sé aukaatriði að langt er um liðið.

Sjá nánar á vef Daily Mirror.