En hverjar eru líkurnar á að finna þessi tvö lík svo nærri hvort öðru?
Til að skilja samhengið verðum við að fara aftur til 2012. Þá ók Shayne Colaco aleinn í Eryri þjóðgarðinn í Wales. Hann ætlaði að ganga þar um, þar á meðal upp fjallið Pen yr Ole Wen, sem er tæplega 1.000 metrar á hæð. North Wales Live skýrir frá þessu.
En þessi 33 ára sálfræðingur sneri ekki aftur í bílinn. Mikil leit var gerð að honum en hún bar ekki árangur.
Þann 9. janúar 2024 fór David Brookfield, 65 ára, í gönguferð í þjóðgarðinum. Hann var einn á ferð og þegar hann komst á topp fjallsins Carnedd Llewelyn sendi hann eiginkonu sinni skilaboð að sögn Sky News. Þetta voru síðustu samskipti hans við umheiminn.
Lögreglan segir að Brookfield hafi síðan gengið á Pen yr Ole Wen. Sama fjall og Shayne Colaco gekk á 12 árum áður. Þegar Brookfield var á leið niður fjallið, datt hann líklega niður gil að mati lögreglunnar og slasaðist alvarlega. Leitin að honum var erfið því það var kalt og snjór yfir öllu.
Fjórum mánuðum síðar fann áhöfn þyrlu strandgæslunnar hann þegar hún var við æfingar í þjóðgarðinum.
Þegar lík hans fannst, fannst blár jakki, sem var ekki meðal þess fatnaðar sem Brookfields var í þegar hann hvarf. Í vasa jakkans voru bíllyklar.
Lögreglan fann síðan lík aðeins fimm metra frá líki Brookshield. Það var grafið undir einu og öðru sem hafði hrunið niður fjallshlíðina.
Eftir langa rannsókn kom í ljós að bíllykillinn passaði í bílinn sem Shayne Colaco hafði ekið þangað 12 árum áður. Líkið hlaut því að vera af honum.
