Það gjörsamlega sauð upp úr undir lok leiks Breiðabliks og Fram í Bestu deild karla í gærkvöldi.

Það stefndi í 0-1 sigur Framara þegar Blikar fengu afar umdeilda vítaspyrnu undir lokin. Höskuldur Gunnlaugsson fór á punktinn og skoraði.

Fyrirliðinn geðþekki vildi ólmur ná í boltann úr markinu strax og við það hófust mikil læti. Veittist hann að Kennie Chopart og Viktori Frey markverði Fram.

Kyle McLagan brást við með því að taka hressilega á Höskuldi og fór það svo að lokum að báðir fengu þeir rautt spjald.

Fleiri voru þó viðloðnir slagsmálin, líkt og sjá má hér að neðan.

Lokatölur urðu 1-1 og eru Blikar nú 3 stigum á efti toppliði Víkings. Fram er í sjöunda sæti með 16 stig.